Ba mvindu ya plastique na République Démocratique du Congo

Mvindu ya plastique na plage ya Lac-Kivu, na (Kivu ya Nord) na mbanza-mfumu ya RDC Repubilika ya Kôngo Demokratiki

Ba mvindu ya ba plastique na Repubilika ya Kongo ya Dimokalasi, kele mpasi ya nene na yina me tala nzingulu, samu ti insi ke na kutambula nswalu na ba mbanza kisika kusadila ba plastique ya kusadila kaka mbala mosi ke na kukuma mingi. Na kutadila kulonguka mosi ya Programme ya Nations Unies ya ke talaka mambu ya nziunga me sala, kusadila mbote ve bima ya plastike ke salaka nde ntoto ti nzadi kubeba, mpi yo ke vandaka ti bupusi ya ngolo na bibulu ya bwala mpi na mavimpi ya bantu. Dyaka, rapore mosi ya Banque Mondiale ke monisa ti, kukonda bisadilu ya kufwana samu na kuzwa ba mvindu mpe kuvutula yau na kisalu ke kumisa ngolo mpasi yayi ya nzingulu, yau ke sala ti bisalu ya kimvuka kuvanda mfunu samu na kufiongunina ba mpasi ya ba mvindu ya plastique na zulu ya nzingulu ya Congo

Bisika ya mvindu ya plastike ke katukaka

Mvindu ya plastike na Repubilika ya Kongo ya Dimokalasike katukaka na bisika ya mutindu na mutindu, yau ke monisaka bikalulu ya kusadila bima ya insi mpe bisalu ya ba inzo ya bisalu.

Kukangama

Bima mingi ya bo ke losaka na plastike ke vandaka bima yina bo ke tulaka na bitunga, mu mbandu milangi ya plastike, basaki, mpi bima yina bo ke sadilaka sambu na madia mpi bima yina kele ve madia. Kukuma mingi ya kusadila ba plastique yina bo ke sadilaka kaka mbala mosi, yina mbala mingi bo lenda sadila diaka ve, ke salaka nde bamvindu kuvukana na bisika yina bantu ke vukanaka mpi na banzila ya masa.

Bima ya bo ke sadilaka

Mvindu ya plastique ke katukaka mpi na bima ya bantu ke sadilaka konso kilumbu, mu mbandu bima ya kusakana, bima ya elektroniki, mpi bima ya nzo. Sambu bantu ke sadilaka mingi bima yina bo ke tekaka na bansi ya nkaka, ntalu ya baplastike yina bo ke losaka ke kuma mingi kibeni.

Mvindu ya bisalu

Bamvindu ya plastike yina ba izine ya bwala ke basisaka, ata yo ke monanaka ve mingi, yo ke monisaka kisina ya nene ya mvindu. Bima ya me bikala na kisalu, yina mbala mingi bo ke sadilaka ve mbote, ke yikaka kizitu ya bamvindu ya plastike na kisika yina bo ke zingaka.

Kutanga ntalu ya ba mvindu ya plastique na yinza ya muvimba

Na mambu yayi ya sikisiki, kitezo ya ba tonnes 350 millions ya ba mvindu ya plastique ke basikaka na yinza ya muvimba konso mvula, na kati ya yau kaka 9% ke vutulaka na kisalu, 19% ke yokaka, pene pene na 50% ke losamaka na bisika ya mvindu, mpe 22% ke losamaka na nzingulu. Yau kele mfunu na kuzaba nde mbanza Kinshasa mpamba ke basisaka ba tonnes kuluta 10 000 ya mvindu ya ngolo konso kilumbu, kitini ya nene na kati na yau kele ba plastique, mpe kaka 5% ya mvindu yayi ya plastique ke vutulaka na kisalu konso kilumbu.

Tala mpe