Claire Holt

 

Claire Rhiannon Holt (butukaka na 11 Juin 1988) kele actrice ya Australie mpe ya Amerika. Yandi bandaka kisalu na yandi ya acting na rôle ya Emma Gilbert na série H2O: Just Add Water (2006–2008). Na 2009, yandi salaka débuts na yandi na cinéma na États-Unis.

Holt na 2012

Na 2011, yandi monanaka na Mean Girls 2 mpe na misala ya ntete zole ya Pretty Little Liars. Yandi zabana mingi sambu na rôle ya Rebekah Mikaelson na série The Vampire Diaries (2011–2014), The Originals (2013–2018) mpe Legacies (2021–2022). Kisalu yai pesaka yandi lukumu mpe nominatio na Teen Choice Award.

Yandi salaka mpe na série Aquarius (2015–2016).

Na cinéma, yandi monanaka na Blue Like Jazz (2012), 47 Meters Down (2017) mpe Untitled Horror Movie (2021), yina mpe yandi salaka lokola producteur exécutif.

Luzingu ya ntete

Na Ngonda ya sambwadi (Juillet) 2015, Holt pesaka ndinga ya libala na nkundi na yandi ya ntangu ya nda, producteur ya télévision Matt Kaplan. Bawu kwelanaka na 28 Avril 2016. Na 27 Avril 2017, Kaplan lombaka kufwa ya libala, na kutendula “mambu yina me vandaka ve na kuwakana”. Holt vutulaka mukanda na 2 Mai 2017, mpe yandi lombaka mpe kuvutula zina na yandi ya ntete, Holt.

Na 3 Décembre 2017, Holt zabisaka engagement na yandi na Andrew Joblon, mfumu ya kisalu ya immobilier. Na 5 Mars 2018, yandi zabisaka na Instagram ti yandi me vila mwana na kati ya zemi. Holt mpe Joblon kwelanaka na 18 Août 2018. Bawu kele na bana tatu: bana ya babakala zole (butukaka na 2019 mpe 2023) mpe mwana mosi ya nkento (butukaka na 2020).