Christelle Vuanga

Christelle Vuanga Mukongo, me butuka na kilumbu ya makumi zole na nana ngonda yakumi 1987 na Kinshasa, yandi kele ntubidi ya nkangu ya insi pe ntwadisi ya commission ya mpila, dibuta pe bana ya Assemblée nationale ya République Démocratique du Congo. yandi me pona na kizunga ya Funa (Kinshasa II) na mvula 2018

Disolo ya luzingu

Christelle Vuanga Mukongo kele mwangisi-nsangu ya kulonguka mpi muntu ya ke nwaninaka banswa ya bankento ya kukonda ngolo,. Na 2009, yandi bakaka diplome na Institut Facultaire des Sciences de l'Information et de la Communication . Banda bumwana na yandi, yandi vandaka kaka kukwikila na kukatula ndola ya lufwa mpi yandi salaka nde nsiku ya kukatula ngola ya lufwa kubanda na bantu me pona yandi.

Kisalu na yandi ya politiki

Na mvula 2018, ntangu ba ponaka yandi na kuvuanda depite ya insi, yandi vanduaka na karti na yandi na parti Alliance des mouvements du Kongo ya Moise Katumbi na kati ya coalition Lamuka.

Na mvula 2024, na manima ya kubasisa ba résultat provisoire ya vote ya parlement ya kilumbu ya 20 ya ngonda ya kumi na zole ya mvula 2023, ba ponaka yandi diaka na kuvuanda depite ya insi na distrike ya Funa.

Na mvula 2019, ba me pona yandi ntwadisi ya commission des droits de l'homme na Assemblée Nationale, yandi kele na kati ya ba dépité yina nwanaka samu na kutula commission yai na parlement.

Na manima ya kubaka ya ntalu ya mingi ya ba parlementaire, parti Ensemble pour la république ya Moise Katumbi kotaka na union sacrée de la nation, yandi kumaka ntwadisi ya commission ya bankento, genre, famille et enfant ya Assemblée Nationale kisika yandi monaka mpi kimvuka ya ba parlandais abolitionnistes, yandi kotaka na kati sambu na kutwadisa mvita na kati ya kimvuka yina mpi na nzila ya kukipesa na yandi kumaka ntwadisi na yawu.

Yandi kele muntu ya ntete ya kusala parlement ya rose, yina ke pesaka ndinga konso mvula na bankento ya mitindu yonso ya luzingu na ntwala ya bantu ya insi, yina ya ntete salamaka na Kitanu na Aprili 2, 2021 mpi ya zole na Aprili 9, 2022 .