Fifi Masuka Saini

Fifi Masuka Saini, yandi butukaka na kilumbu ya 10 ya ngonda ya tatu na mvula 1967 na provense ya Katanga (bubu yai Haut-Katanga) na Repubilika Dimokalasi ya Congo, yandi kele Nkento ya politiki ya Kongo (RDC), yandi me ponamaka ntete na provense na Lubumbashi mpe kilandi ya guvernere ya provense ya Lualaba. Yandi kele guvernere ya ntangu yayi na provense ya Lualaba.

Disolo ya luzingu

Kisina na yo

Fifi Masuka Saini butukaka na kilumbu ya 10 ya ngonda ya tatu na mvula 1967; yandi kele mwana ya nsuka na dibuta ya bana sambanu, mpe mwana ya Saini Kasanji, shofere ya taxi, na Yvonne Kashala, muntu ya ke tekaka bambisi ya masa na wenze.

Kulonguka

Na mvula 1992, Fifi Masuka Saini bakaka diplome ya licence na mambu ya mbongo na Iniversite ya Lubumbashi (UNILU), na provense ya Haut-Katanga.

Kisalu na yandi

Yandi kele na kati ya bantu yina bandaka kompani BM-METALS CORPORATION, yina ke salaka kisalu ya kusosa matadi ya ntalu mpe ya kutunga.

Kisalu na yandi ya politiki

Na mvula 2006, yandi vuandaka muntu ya parti politique Mouvement de libération du Congo (MLC) mpe ba ponaka yandi depite ya insi na zina ya parti yina mosi.

Na 2010, yandi salaka parti politiki na yandi mosi, Front des indépendants démocrates chrétiennes (FIDEC). Na mvula 2011, ba ponaka yandi diaka na Lubumbashi.Yandi me ponama na kilumbu ya 29 octobe 2015 na mfumu ya insi Joseph Kabila bonso kilandi ya commissaire spécial na provense ya Lualaba mpe na kilumbu ya 26 ya ngônda ya tatu na 2016, yandi me kuma kilandi ya guvernere ya provense ya Lualaba.