Léonnie Kandolo

Léonnie Kandolo Omoyi, butukaka na kilumbu ya 29 octobre 1960 na Kinsasa na Repubiliki Dimokalasi ya Congo, kele muntu ya politiki, ndongisi mpe longi na mambu ya banswa ya bantu, yandi kele ministre ya mutindu, ya mabuta mpe ya Bana na kati ya luyalu ya Suminwa.

Disolo ya luzingu

Léonnie Kandolo butukaka na République Démocratique du Congo. Yandi kele mwana ya Damien Kandolo, PDG ya ntete ya Générale congolaise des minerais (GECOMIN, yina kumaka na nima Gécamines). Ntangu yandi vuandaka na bamvula tatu, yandi kwendaka na Belgique mpe yandi lutisaka buleke na yandi mpe butoko na yandi na Bruxelles, yandi yelaka na dibuta mosi ya Belgique, yandi vutukaka kaka na konzie na Zaïre.

Yandi bakaka diplome ya management na marketing na 1982 na Institut des hautes études économiques et sociales na Bruxelles.

Na mvula 1998, bakala na yandi kufwaka na Lubumbashi.

Kisalu na yandi

Na mvula 1982, yandi vutukaka na Zaïre, na nima yandi bandaka kisalu na yandi na SOZACOM, yandi lutisaka bamvula tatu kuna na ntwala ya kukwenda na Lubumbashi, kisika yandi vuandaka kutwadisa kisalu ya kuniema mikanda ya dibuta Impaza,. Na nima, bawu ponaka yandi kilandi ya ntwadisi ya Association Nationale des Entreprises du Zaïre (ANEZA) , bubu yai Fédération des entreprises du Congo (FEC), sambu na provense ya Katanga. Yandi kele ntwadisi ya Protection Enfant-sida, yandi bakaka lufutu na 2009 na Arasa.

Na mambu ya banswa ya bankento, Kandolo kumaka muntu ya Ligue Internationale des Femmes pour la Paix et la Liberté (WILPF), na manima yandi kumaka mfumu ya ntangu yonso na 2005 ya Concertation de la Femmes Congolaises (CAFCO).

Yandi kele na kati ya bansoniki mpe bantu yina tulaka maboko na Manifeste du citoyen congolais "ESILI" yina ke tuba na Paris nsuka ya luyalu ya Joseph Kabila. Léonnie Kandolo kele mpe na kati ya bantu yina salaka ba marches ya comité laïc de coordination (CLC), mpe na ntangu mosi yandi vuandaka kinati-ndinga ya mouvement yai, yina vuandaka kulomba nde vote kusalama na Desembri 2018 na RDC, yawu yina, yandi zingaka kiteso ya bangonda kumi na tatu na kinsweki, na nima ya ntuma ya lunungu yina ba pesaka na bantu yina yidikilaka ba marches du CLC, tii kuna Félix Tshediisek kumaka na kiyeka. Na mvula 2020, Félix Tshisekedi ponaka yandi na kuvuanda na kati ya kimvuka ya "bankento ya nene".

Mambu ya politiki

Na kilumbu ya 29 Mayi 2024, Léonnie Kandolo kumaka ministre ya mutindu, ya mabuta mpe ya bana, na kati ya luyalu ya Suminwa, na kisika ya Mireille Masangu Bibi Muloko, yandi kele na mukumba ya kusadila mayele ya insi ya kunwangisa mitindu nyonso ya mubulu ya me tala mutindu.