Martin Fayulu

Martin Madidi Fayulu, butukaka na kilumbu ya 21 novembre 1956 na Kinshasa, kele Muntu ya politiki ya République Démocratique du Congo (RDC). Candidat ya coalition Lamuka na kuponama ya ntuadisi ya 2018, yandi me zabana na kisika ya zole na Commission électorale nationale indépendante (CENI) na kulandaka ba résultat ya provisoire yina Union Africaine (UA) buyaka na ntwala , na nima Cour constitutionnelle ndimaka yawu

Na kutadila mikanda ya CENI mpe ya Conférence épiscopalienne nationale du Congo (CENCO), Martin Fayulu nungaka ti 62,11% ya ba vote yina bo pesaka.

Fayulu vuandaka na ndonga ya ba candidat na kuponama ya ntwadisi ya 2023 mpe yandi kumaka muntu ya tatu ti 4,92% ya ba vote.

Disolo ya luzingu

Martin Madidi Fayulu butukaka na kilumbu ya 21 novembre 1956 na Kinshasa. Yandi kele mwana ya Ngamiaka Gérard Fayulu n'a Makuya Marie Nsaka.

Mambuyakulongoka

Fayulu kotaka na Université Paris-Est-Iniversite ya Paris-XII kisika yandi bakaka diplome ya masters na Economie Générale, na Institut supérieur de gestion ya Paris mpe na Universités Européen ya Amerika na San Francisco kisika yandi bakaka masters na Adminstration des Affaires.

Kisalu na yandi na mumbongo

Yandi kotaka na kimvuka ya petrole Mobil na Kinshasa na septembre 1984 mpe manisaka kisalu na yandi na kimvuka na 2003 na kisika ya direktere ya nene ya ExxonMobil Éthiopie, na manima ya kubaka bizitu mingi na biro ya Mobil na Fairfax (États-Unis), na biro ya nene ya Mobil Africa na Paris mpe na bimvuka ya nkaka ya Exxonmobil na Afrika (Côte d'Ivoire, Kenya, Nigeria mpi Mali

Kubanda politiki

Martin Fayulu bakaka lukanu ya kukota na politiki na luyantiku ya bamvu 1990. Na mvu 1990, yandi kumaka ntwadisi ya Forum pour la démocratie et le développement (FDD) yina Vuandaka na ntangu yina na Union Sacrée de l'opposition[1]. Na mvu 1991, yandi kotaka na Conférence nationale souveraine (CNS) na kati na yo yandi vandaka kilandi ya ntwadisi ya Commission Économie, Industrie et PME[2].

Na mvu 1993, banduku na yandi ya CNS ponaka yandi na Conseil Suprême de la république Parlement de Transition (HCR-PT). Baponaka yandi na mvu 2006, na mbala mosi depute ya provense ya mbanza ya Kinshasa mpe depute ya insi, yandi ponaka kuvuanda na Assemblée provinciale ya Kinshasa, na mutindu yina yandi bikaka kiyekua na yandi ya depute ya nsi na kilandi na yandi [1] [2]

Na ngonda ya tatu ya mvu 2009, yandi pesaka maboko na kosala parti Engagement pour la citoyenneté et le développement (ECiDé), parti na yandi andi vuandaka ntwadisi[1]. Na vote ya 2011, ba ponaka yandi na kuvuanda depute ya insi na bampangi na yandi zole ya nkaka ya parti[2]. Yandi bikaka kisalu na Yanuari 2017 samu na kumonisa nde yandi sepelaka ve na kuvutula vote na nima.[3]