Nzadi Tanganyika

Nzadi ya Tanganyika kele mosi na kati ya ba nzadi ya nene ya Afrika, nzadi ya zole na nene na Afrika na nima ya nzadi ya Victoria, nzadi ya tatu na nene na ntoto na nima ya nzadi ya Caspienne ti nzadi ya Baïkal, nzadi ya zole na nene na ntoto na nima ya nzadi ya Baïkal, mpi nzadi ya kuluta nda na ntoto ya mvimba na masa ya madidi (677 km). Yo kele ti masa ya bunkete kiteso ya 18 na kati ya nkama na ntoto ya mvimba. Ata yo ke vandaka ti masa fioti, yo ke butaka bambisi mingi (200 000 t/mvula). Bo ke kangaka ntete-ntete bambisi yai zole: Stolothrissa tanganicae ti Limnothrissa miodon, mpi mbisi mosi ya bo ke bingaka nde perche: Lates stappersii. Ntalu ya bambisi yai ke sobaka na kutadila mambu ya mupepe yina ke vandaka na nzadi-mungwa, mingi-mingi sambu na bitembo ya nene yina ke vandaka na kati ya nzadi-mungwa.

Masa na yo kekwendaka na nzadi ya Lukuga, na dibungu ya Congo, mpi na Nzadi-Mungwa ya Atlantique. Bo keyindulaka nde yo salamaka bamvula kiteso ya bamilio 12 to 13 meluta (na nsungi ya Miocène).

Nzadi-mungwa mebalukaka mingi sambu na nsoba ya climat ti bisalu ya bantu, mingi-mingi kuzenga banti, kuloba mingi mpi kusosa petrole.