Odette Babandoa Etoa

Odette Babandoa Etoa, kele nkento ya politiki ya Kongo. Bantangu ya nkaka bo ke bokilaka yandi "Jeanne d'Arc" to "Madame de fer". Yandi kele zuzi, yandi me kwelaka mpe kele mama ya bana sambanu.

Na kisalu na yandi, yandi salaka bisalu mingi na kati na yawu magistrat, conseiller na ministère ya sport et loisirs, ya service public, ya plan, conseiller juridique na cabinet ya Premier ministre. Ba tulaka yandi kilandi ya Déléguée Générale mpe na nima Présidente Déléguées Générale na Bureau des chemins de fer des Uele (CFU), sambu na kuyinga kompani yai ya transpore yina vuandaka kusala ve.

Kununga na yandi na ntu ya kisalu yai bendaka dikebi ya Président Laurent Désiré Kabila yina bingaka yandi na kusala na kati ya guvernema kisalu ya ministre ya transport et communications, kisika bisalu na yandi ya ngolo salaka nde yandi kuma bambeni na kati ya luyalu: bo kangaka yandi mpe bo basisaka yandi kukonda kusambisa yandi. Na nima ya kukatuka na luyalu, yandi kotaka na Forum des femmes Juristes pour la République, yina yandi vandaka ntwadisi. Yandi kele avoka na kimvuka ya ba avoka ya Kinshasa, yandi kele ndongisi na mambu ya ba-infrastructure mpe yandi kele ntwadisi ya Union des patriotes Républicains, parti politique congolais mpe yandi kele Secrétaire exécutif national de la Dynamique Chretienne pour l'Unité et le développement (Regroupement politique).