Teta Lando
Teta Lando vwandaka muyimbi mpe muntu ya muzîka ya Ngola. Yandi butamaka na kilûmbu 2 ngônda 6 mvula 1948 na Mbânza Kôngo. Yandi kufwaka na Paris na kilûmbu 14 ngônda 7 mvula 2008.
Luzîngu[soba | edit source]
Yandi butamaka na Mbânza-Kôngo, mbânza ya kimfumu ya Kizûnga Nzâdi na ndâmbu ya node ya Ngola. Dibuta ya yandi vwandaka na bâna 32[1]. Yandi vwandaka mukôngo[2].
Bantu mîngi zaba Teta Lando na bayinsi ya kutuba kimputulukesi na Afrika mpe Mputulukesi. Yandi bandaka kuyimba na bamvula 1960[2]. Yandi salaka muyimbu ya ntete ya yandi na mvula 1964. Yandi kuzwaka nkûmbu na 1965/1966 na muyimbu Kinguibanza[2]. Yandi vwandaka mwisi kimvuka Merengues[1].
Miyimbu ya yandi vwandaka na nkûmbu ya luzîngu ya Ngola mpe mvita ya yinsi. Yandi yimbaka na nkûmbu ya luzolo mpe dikânda. Yandi yimbaka na kisikôngo mpe kimputulukesi. Miyimbu ya yandi ya kuluta mfunu kele Irmão ama teu irmão (1975) mpe Eu vou voltar (1981) .
Références[soba | edit source]
- ↑ 1.0 1.1 Disparition d’Alberto Teta Lando, parti après avoir assuré les vieux jours des musiciens angolais, Jossart Muanza, Digital Congo TV, 30 juillet 2008.
- ↑ 2.0 2.1 2.2 Angola: Biographie du musicien Alberto Teta Lando, Allafrica.com, 15 juillet 2008.